‘Gurean’ dokumentalaren emanaldia

Askekintzak eta Linas Kortak zuzendutako ‘Gurean’ dokumentala eskainiko dute, hilaren 15ean, Arrigorriagako gaztetxean. Argia Saria jaso du aurten, ikus-entzunezkoen atalean. Lau urtez ezkutuan egindako lanaren emaitza da ‘Gurean’. Sokamuturra, idi eta zaldi demak, ahari jokoak, zezenketak, arrantza eta ehiza txapelketak, animalia erakusketak, zaldi edo asto lasterketak… Gizakiz bertzeko animaliak erabiltzen eta zapaltzen dituzten jarduerak anitz dira, eta ezaugarri bera dute denek: ez dira bidezkoak. Hori salatu du ‘Gurean’ dokumentalak, herritarren artean gogoeta bultzatzeko asmoz. Norbanako guztiak errespetatuko dituzten bestak lortzeko urratsak egitea du lanak helburu. Dokumentala erakustearekin batera, pintxo pote beganoa eginen dute Arrigorriagan.